• youtube YouTube
  • twitter Twitter
  • facebook Facebook
  • spotify Spotify
  • LastFM Last.fm
  • myspace MySpace

Discografía

Viaxe por Urticaria

1999, BOA Music

Berrogüetto reivindica a súa propia Icaria, un lugar propio para a súa música. Unha viaxe utópica que algún día poderá ser realidade.

En Viaxe por Icaria (1840) Etienne Cabet amosábanos un mundo utópico para aquela época: baños en cada vivenda, xubilación aos sesenta e cinco anos e oito horas de xornada laboral... Pero se ben o desenvolvemento da civilización sobrepasou o ideais daquela cidade Icaria, hoxe, aquí en Urticaria, seguimos carecendo da resolución dos ideais espirituais... A súa "Liberdade, Igualdade e Fraternidade" están tan pre-au-sen-tes agora como entón... Urti icaria.

Viaxe por Urticaria, musicalmente falando, é tamén unha viaxe utópica que algún día poderá ser realidade.

Viaxe por Urticaria, o segundo traballo discográfico de Berroguetto corrobora o éxito do primeiro. Esperado polo público e a crítica especializada, alonga a enerxía creativa da música do grupo. Este álbum, publicado en diversas edicións internacionais, sorprende pola conxunción de música e imaxe gráfica da portada: unhas fotografías, obra de Xoán Piñón, onde os músicos impregnados de terra realizan unha metáfora da alternancia entre tradición e contemporaneidade, un dos seus propósitos musicais esenciais.

Viaxe por Urticaria presenta varias novidades. Hai variacións na formación. Paco Juncal abandona o grupo e incorpóranse Quim Farinha (violín) e Guadi Galego (voz, gaita e percusión). No plano musical a incorporación de Guadi Galego supón a integración por primeira vez dunha voz solista.

Neste disco case todos os membros do grupo compoñen algún dos temas, o que abre o abano das aportacións e tamén das percepcións. É por isto que Viaxe a Urticaria nos ofrece un catálogo de cancións que evocan emocións moi diferentes.

  • 1
    Aquí canto [5:06]
      Letras
    Música e letras: Tradicional/Anxo Pintos
  • 2
    Tránsito [5:15]
     
    Música: Quim Farinha
  • 3
    Indosesta [6:08]
     
    Música: Anxo Pintos
  • 4
    "K" [3:41]
     
    Música: Anxo Pintos
  • 5
    Lusco [1:55]
     
    Música: Quico Comesaña
  • 6
    Fusco [3:38]
      Letras
    Música e letras: Quico Comesaña
  • 7
    Alalá das Humidades [5:59]
     
    Música: Anxo Pintos
  • 8
    Neocórtex [4:37]
     
    Música: Anxo Pintos
  • 9
    Bailador [3:27]
      Letras
    Música e letras: Tradicional
  • 10
    A Forza das Mareas [4:37]
      Letras
    Música: Quico Comesaña Letras: Guadi Galego
  • 11
    Ausencia [2:26]
     
    Música: Guillerme Fernández