• youtube YouTube
  • twitter Twitter
  • facebook Facebook
  • spotify Spotify
  • LastFM Last.fm
  • myspace MySpace

Discografía

Hepta

2001, BOA Music

Berrogüetto coida con esmero o seu discurso tanto musical como narrativo e estético. Hepta é unha intervención de artistas de diferentes disciplinas, unha combinación de distintas artes.

Hepta, como é habitual en Berrogüetto, nace dunha premisa ideográfica e conceptual. O seu punto de partida é a reflexión e o xogo arredor do número máxico hepta, número sete en grego... sete notas musicais, sete cores do arco iris, sete belas artes, sete músicos de Berrogüetto, sete amigos...

O terceiro disco de Berrogüetto, Hepta é o máis coral dos seus traballos. Bríndannos trece temas, entre os que hai composicións de todos os seus membros. Hepta é unha mostra da consolidación do estilo desta banda pioneira e da súa madurez como equipo de traballo. Unha vez máis Berrogüetto recibiu o aplauso e recoñecemento da crítica pola súa calidade.

Conceptualmente Hepta é unha intervención de artistas de diferentes disciplinas, unha combinación de distintas artes. É obrigado destacar o apartado gráfico do disco, para o que contaron coa colaboración de Georges Rousse, coñecido artista contemporáneo francés cuxas obras unen fotografía, arquitectura e pintura. Para o encargo de Berrogüetto, Rousse interveu durante unha semana un edificio histórico da antiga fábrica de Sargadelos en Cervo, Lugo. O artista modificou o espazo pintando figuras xeométricas das sete cores, creando un xogo óptico que logo sería captado co obxetivo da cámara. Os compoñentes de Berrogüetto foron parte activa na creación da peza, puxéronse a súa disposición como artesáns, obreiros e actores. Foron á vez obxecto e suxeito da composición. Esta obra foi posible grazas á especial colaboración do Centro Galego de Arte Contemporánea (CGAC) e de Sargadelos.

  • 1
    Nanatsu [4:07]
     
    Música: Anxo Pintos
  • 2
    Vinte Anos [4:21]
     
    Música: Santiago Cribeiro
  • 3
    Heptacordo [4:02]
     
    Música: Quim Farinha
  • 4
    Baixando de ti [4:10]
      Letras
    Música: Guadi Galego
  • 5
    Armenia [3:10]
     
    Música: Guillerme Fernández / Quim Farinha sobre improvisación de Jivan Gasparyan
  • 6
    Samesugas [3:57]
     
    Música: Anxo Pintos
  • 7
    Setestrelo [3:44]
      Letras
    Música: Guadi Galego / Guillerme Fernández Letras: Guadi Galego
  • 7+1
    Hebdomadaria [4:43]
     
    Música: Anxo Pintos
  • 7+2
    Albores [2:53]
     
    Música: Isaac Palacín, Quico Comesaña, Guillerme Fernández
  • 7+3
    Cantos de Monzo [2:51]
      Letras
    Música e letras: Tradicional
  • 7+4
    Gali@matías.tacom [3:39]
     
    Música: Quico Comesaña
  • 7+5
    Alquimista de soños [4:06]
      Letras
    Música e letras: Guadi Galego / Guillerme Fernández
  • 7+6
    Azul Graso [3:35]
     
    Música: Anxo Pintos