• youtube YouTube
  • twitter Twitter
  • facebook Facebook
  • spotify Spotify
  • LastFM Last.fm
  • myspace MySpace

Discografía

Navicularia

1996, BOA Music

Berrogüetto estréase cun disco sorprendente que rompe o encallamento da música folk.

Nun manuscrito titulado "De Navicularia", escrito en galego-portugués e firmado por Vigairo Lemos, relátase a historia e vivencias da tripulación dunha nave galega que quedou en corentena á altura da Illa de San Simón. Ao mesmo tempo, outras tres naves de distintas procedencias viviron a mesma situación. Durante esa tesitura as tripulacións dos catro barcos conviviron e a Illa de San Simón converteuse nun crisol de culturas.

Navicularia, o primeiro álbum de Berrogüetto, foi un éxito entre a crítica e o público, recibindo importantes recoñecementos. Con coidado e sensibilidade, de xeito discreto, o seu discurso sorprendía a todos. Este disco é considerado imprescindíbel pola súa combinación de tradición e modernidade.

Once temas nos que os membros de Berrogüetto tocan máis de cincuenta instrumentos e xuntan cancións tradicionais como "Anubía" ou "Vilalbalcán" con temas de composición propia como "Valseiro" ou "Navicularia"

Para este disco Berrogüetto contou coa colaboración das pandereiteiras de Cantigas e Agarimos que poñen a voz a catro temas.

Tras esta espectacular saída ao mercado comezaron as actuacións por festivais e as xiras internacionais por Galicia, España, Portugal, Alemaña, Francia e Reino Unido, confirmando a vitalidade e o prestixio dunha banda galega que se convertía en moi curto tempo nun dos grupos de world music máis importantes do mundo.

Anubía [3:08]

Música: Tradicional/ Quico Comesaña/ Anxo Pintos. Peza inspirada nunha melodía recollida por Monserrat Rivera e Felisa Segade ás persoas maiores da aldea de Cerdeira Letras: Tradicional. Peza inspirada nunha melodía recollida por Monserrat Rivera e Felisa Segade ás persoas maiores da aldea de Cerdeira

Anubía e anubía
e anque anubía non chove
o meu amor está malo
anque está malo non morre.
Si quieres que te lo diga
cantando te lo direi
cantando tomei amores
cantado los olvidei.
Vouvos da-la despedida
como dio Cristo en el huerto
hoy despedirme de ti
mañana tocar a muerto