Logo de 5 discos e un libro-disco editados e un bo feixe de inesquecibles concertos, poñemos fin á nosa carreira como grupo, conscientes e orgullosos do compromiso mantido sempre coa música e a cultura do país, guiándonos únicamente polo noso afán creativo e o noso propio e inconformista universo musical.

Non podemos nin queremos deixar de agradecer o apoio recibido por parte da crítica e, de xeito especial, das nosas familias e do noso público. Todos eles fixéronnos sentir o seu alento e apoio ao longo de todos estes anos de andaina musical, nos bos e nos malos momentos.

Tentaremos corresponder á vosa incondicional fidelidade da maneira que mellor sabemos, cunha pequena xira de despedida por algunhas das vilas máis importantes do país, que anunciaremos no seu momento.

Moitas grazas a todas e a todos!

Unha aperta. BERROGÜETTO

Cada Faro leva agachado un ritmo particular que tanto o distingue como o fai coñecido de entre os seus iguais. Así son as augas que saen do manancial de Cabreiroá. Únicas e singulares, que sacian a sede como a que máis, pero que saben e poden achegar novas expresións á hora de baleirar un vaso, como a Magma, que nace no eclipse perpetuo, da alianza simbiótica entre a terra mineral, a auga habitante e os gases primordiais, aqueles que nos falan da orixe da terra... 

Temos a rítmica luz que orienta a Mariños e mariñeiros, tamén o elemento do que a vida naceu e sobre a que se sostén: a auga. E atopamos en Berrogüetto e nas súas músicas, tan contemporaneamente pegadas à terra, a alianza umbilical que buscabamos. Os músicos de Berrogüetto veñen de crear un tema inédito "Astro de pedra" que axunta o ritmo de luz e de eclipse dos faros, o bulideiro ritmo de descarga dunha botella da edición limitada de Cabreiroá desde o seu fino gusto pola experimentación desde a música tradicional...

Cabreiroá invítache a participar nesta experiencia inédita.

http://www.cabreiroa.es/ aquí podes descargar, de forma gratuita, a canción de Berrogüetto "Astro de pedra"

‘O pulso da terra’ percorre de xeito minucioso a historia do grupo ao longo destes quince anos de actividade, tanto en Galicia como ao longo do Estado español e as súas xiras internacionais. Detalla a peripecia artística de todos os seus integrantes, os sete actuais e os que formaron parte da banda nalgún momento, e retrata a eclosión do folk galego como un dos fenómenos musicais máis relevantes para a recuperación do noso patrimonio cultural.

O libro nútrese de abundantes conversacións mantidas ex profeso para a ocasión con todos os músicos do grupo, así como con outras personalidades da cultura galega e estatal que desenvolveron un papel relevante ao longo destes tres lustros como compañeiros de profesión, colaboradores, representantes, técnicos ou amigos. A través da historia de Berrogüetto, percórrese tamén a historia da música de raíz en Galicia durante os seus anos máis esplendorosos.

Non faltan no libro as fotografías imprescindibles para contar a historia, moitas delas inéditas, nun formato visualmente moi coidado coa estética propia de Berrogüetto e a solvencia técnica da editorial.

Editorial Galaxia e Berrogüetto Produccións acometen este proxecto multidisciplinar de forma conxunta nun exercicio de compartir as bondades e as capacidades que aporta a colaboración entre as diferentes industrias culturais.

O grupo e Galaxia afrontan xuntos este proxecto en formato Libro+ DVD + CD

A Editorial Galaxia editará despois do verán o libro Berrogüetto: O pulso da terra, primeira biografía sobre Berrogüetto escrita polo xornalista e crítico musical Fernando Neira.
Berrogüetto é, sen dúbida, un dos grupos musicais máis relevantes que deu a música de raíz tradicional galega durante as dúas últimas décadas. O volume, que coincide co Ano da Música e co décimo quinto aniversario da banda, vai acompañado do primeiro audiovisual dun concerto ao vivo desta formación (gravado en colaboración coa TVG, en Santiago de Compostela en novembro de 2010) mais o CD co rexistro sonoro dese mesmo concerto.

Berrogüetto: O pulso da terra percorre de xeito minucioso a historia do grupo ao longo destes quince anos de actividade, tanto en Galicia como ao longo do Estado español e as súas xiras internacionais. Detalla a peripecia artística de todos os seus integrantes (os sete actuais e os que formaron parte da banda nalgún momento) e retrata a eclosión do folk galego como un dos fenómenos musicais máis relevantes para a recuperación do patrimonio cultural do país.

O libro nútrese de abundantes conversacións mantidas ex profeso para a ocasión con todos os músicos do grupo, así como con outras personalidades da cultura galega e estatal que desenvolveron un papel relevante ao longo destes tres lustros: compañeiros de profesión, colaboradores, representantes, técnicos, amigos… A través da historia de Berrogüetto, percórrese tamén a historia da música de raíz en Galicia durante os seus anos máis esplendorosos.

Non faltarán no libro as fotografías imprescindibles para contar a historia, moitas delas inéditas, nun formato visualmente moi coidado coa estética propia de Berrogüetto e a solvencia técnica de Galaxia.

A Editorial Galaxia e Berrogüetto Produccións acometen este proxecto multidiscipliar de forma conxunta nun exercicio de compartir as bondades e as capacidades que aporta a colaboración entre as diferentes industrias culturais.

http://www.rtve.es/alacarta/videos/programa/berroguetto-entre-los-ganadores-de-los-premios-de-la-musica/1084898/

Na mañá de hoxe a Academia das Artes e as Ciencias da Música fixo públicos os ganadores da 15º Edición dos Premios da Música, nos que Berrogüetto obtivo o Premio á Mellor Canción en Galego pola súa canción Alalá da Noite, incluída no seu último disco Kosmogonías. É a primeira ocasión na que Berrogüetto recibe este premio, sendo finalistas en 2001 e 2006 polos discos Hepta e 10.0, respectivamente.

Tras facerse público o fallo da Academia, o grupo Berrogüetto mostrou a súa enorme satisfacción por este recoñecemento e por telo compartido cun compañeiro de viaxe como Manuel Rivas.

A canción premiada abre o disco Kosmogonías, o seu último traballo de estudio. A melodía está composta por Quico Comesaña e Xabier Díaz mentres que a letra foi enviada ao grupo polo propio Manuel Rivas tras asistir este a un concerto moi especial (por ser o primeiro da formación con Xabier Díaz) no Teatro Rosalía de Castro na Coruña. O poema Alalá, daquela inédito está incluído na obra A desaparición da neve.

Os Premios entregaranse en Madrid o vindeiro 18 de maio nunha gala e na que participarán outros premiados como Joan Manuel Serrat, Rosendo, Kiko Veneno ou Macaco.

6 de maio, primeiro concerto tras o Premio

O vindeiro 6 de maio, no Teatro Madrid (La Vaguada), Berrogüetto participará no Festival Madrid Folk, primeira ocasión na que poderáse escoitar a canción Alalá da Noite en directo tras ter sido galardoada có Premio da Música. Ademais, tras ser nomeados embaixadores polo Ano da Música, Berrogüetto realizará unha xira internacional que os levará a, entre outros destinos, Alemaña, país onde foron premiados en varias ocasiones pola crítica especializada.

Berrogüetto opta ao premio á mellor canción en galego polo tema “Alalá da noite”, inspirado no poema que Manuel Rivas enviou ao grupo como agasallo tras o concerto de presentación de Xabier Díaz como nova voz da formación. Unha composición de Quico Comesaña e Xabier Díaz que abre “Kosmogonías” o quinto disco de Berrogüetto.

Optan a este mesmo premio “Quen me dera na casiña” de Siniestro Total “Negro caravel”, de Cristina Pato e Rosa Cedrón, “Derorán”, de Mercedes Peón.

... E sobre todo 2010 foi un ano no que notamos de xeito especial o voso alento.  Comezamos o ano regalando o single Danza de Meirol e o rematamos regalando o tema inédito O meu cuarto (poema musicado de Manuel María, que podes descargar pinchando na foto do grupo da páxina principal da web) en agradecemento ao apoio de todos vós!. Con el, afrontamos cargados de ilusión os novos proxectos para o 2011. Agardamos seguir compartindo con todos vós sorrisos, bágoas e emocións a través da música. Un bico e feliz tránsito ao novo ano!.... e moitas, moitas grazas!

Berrogüetto

A BSO de The Way, creada por Tyler Bates, responsable, entre outras, da música de 300, inclúe as cancións de Berrogüetto Nadal de Luintra e Fusco, as únicas achegas nacionais a un filme no que tamén participan artistas do talle de Coldplay, Alanis Morissette ou James Taylor.

"O seu amor rompía enérxico na bóveda celeste. Abeirados na ermida da illa, agarrados, el pedía cousas como transformarse en constelación inacabada cando morrer, agardando a chegada dela para se completar.

Cando silandeira se espía no seu cuarto, sorría as ocorrencias do mozo ao ver caer os amores que furtivamente lle ag...ochaba na roupa. Esa mesma noite despedíranse para ir ao mar.

Non deitou bágoa cando acharon a súa gamela contra o cantil. Adentrouse nocturna nas ondas. A ardora que produciu o seu corpo ascendeu coma lóstrego invertido para encher cun peixe estrelado aquel espazo baleiro a carón da constelación do mariñeiro."

Non deitou bágoa cando acharon a súa gamela contra o cantil. Adentrouse nocturna nas ondas. A ardora que produciu o seu corpo ascendeu coma lóstrego invertido para encher cun peixe estrelado aquel espazo baleiro a carón da constelación do mariñeiro."

O gañador, resultado das votacións dos seareiros, recibiu como agasallo asistir ao último concerto da xira de presentación que o grupo está realizando en Galicia, o vindeiro 22 de xuño en Ourense, ademais dun disco firmado.